|
Edrychwn ymlaen yn eiddgar at gyngerdd arall gan G么r Godre'r Aran, a hynny ym mis Mehefin. Fel y gwyr llawer o'n darllenwyr, mae'r c么r enwog hwn wedi ennill yng nghystadleuaeth y corau meibion yn Llangollen, a nifer o weithiau yn yr Eisteddfod Genedlaethol. Godre'r Aran enillodd yn ein eisteddfod ni yn Llanelwedd yn 93, ac mae wedi ennill nifer o weithiau wedi hynny, ac yn ddiweddaraf oll yn Eisteddfod sir Ddinbych a'r Cyffuniau, yn 2001. Ni fyddant yn cystadlu yn Llangollen nag yn y Genedlaethol ym Maldwyn eleni, oherwydd eu bod yn brysur yn paratoi i fynd ar daith i Awstralia a Seland Newydd yn yr Hydref, lle maent wedi bod nifer o weithiau o'r blaen. Yn gyntaf, fodd bynnag, maent yn dod yma atom ni, ac mae'n debyg y cawn ragflas o'r cyngherddau y bwriadant gyflwyno i'n cyd - Gymry oddi cartre. Fe welir manylion am y cyngerdd yn rhaglen tymor yr haf Theatr Brycheiniog, pan ddaw allan o'r wasg, ond brysiwn i roi gwybodaeth ymlaen llaw i ddarllenwyr y Papur Bro. Dydd Sadwrn, Mehefin 14eg, yw'r dyddiad, a'r fan a'r lle fydd Theatr Brycheiniog. Byddwch yno! Gwnewch yn sicr o'ch sedd, ac rwy'n sicr y cewch wledd o ganu, ac ar yr un pryd fe fyddwch yn cefnogi eich Papur Bro! Fe roddir rhagor o fanylion ynglyn 芒'r cyngerdd yma, yn rhifyn Mai o Y Fan a'r Lle.
 |
听
