|
Y cam cyntaf oedd gwneud cwrs sylfaenol mewn cyfrifiaduraeth yng Ngholeg Brenhinol y Deillion yn Henffordd.
Gan ei fod yn gyn-aelod o'r lluoedd Arfog yr oedd yn gymwys iddo gael mynd yn ei flaen i wneud astudiaethau ehangach dan ofalaeth adran addysg Sant Dunstan yn Sheffield.
Dafydd oedd y cyntaf o'r adran a lwyddodd ar y safon uchel yma, a dywedodd ei diwtor ei fod wedi gwneud yn arbennig o dda yn enwedig o ystyried ei amhariaeth gweledol a'i fod yn gorfod gwneud pethau yr ydym ni'n eu cymryd yn ganiataol mewn ffordd hollol anarferol.
Gartref yr oedd yn rhaid gosod meddalwedd arbennig yn ei gyfrifiadur er mwyn iddo allu trosglwyddo peth a welir ar y sgrin yn lleisiol.
Gyda hwn mae wedi trafod pob agwedd o Swyddfa Microsoft, integreiddio dogfennau electronig a chyfathrebu electronig.
Ar hyn o bryd mae'n gwneud ychydig o waith cyfrifiadur gartref i gwmni o Fangor a hefyd gwaith gwirfoddol ym Mhorthmadog.
Mae'r hyn mae Dafydd wedi ei gwblhau'n esiampl i ni sydd gyda llai o anabledd.
 |
Ìý
