|
Offer oedd y rhain a arferai gael eu defnyddio i dorri tywyrch ar y glasdraeth yn Nhalsarnau.
Mae'r offer ynddynt eu hunain yn ddarnau diddorol iawn, ac yn arbennig felly'r erfyn a ddefnyddiwyd i dorri'r tywyrch yn eu hyd a'u lled.
Olwyn finiog ar flaen coes o bren wedi ei gosod yn y fath ffordd ag i sicrhau y byddai pob tywarchen yr un trwch.
Erfyn hefyd, mae'n debyg, fyddai'n
gofyn am gryfder sylweddol a
chymryd y byddai angen ei drin am rai oriau ar y tro.
Bellach mae'r offer yn ddiogel ac yn ddiddos mewn cwpwrdd pwrpasol ym mynedfa'r Neuadd Gymuned, fel y gallant gael eu harddangos i'r sawl sydd am eu gweld.
Teimlwn yn arbennig o falch am i Derwyn gyflwyno'r offer inni, gan
eu bod bellach yn adrodd rhan o
stori'r diwydiant unigryw hwn fu'n digwydd yma yn ardal Talsarnau. Mae'r hanes i'w gael yn llawn ar safle we Talsamau.
Hoffem gydnabod y gwaith ardderchog a wnaed ar lunio ac adeiladu'r cwpwrdd gan Iddon Davies, yn wreiddiol o Llechollwyn, un o hogiau'r ardal ae yn saer penigamp.
Hoffem hefyd gydnabod cyfraniad grant gan Gronfa Cist Gwynedd a hefyd gan Barc Cenedlaethol Eryri tuag at y costau o adeiladu a gosod y cwpwrdd.
 |
Ìý
