91¸£ÀûÉç

Ôl-gynhyrchu Creadigol

Mae adran ôl-gynhyrchu 91¸£ÀûÉç Cymru Wales yn cynnig gwasanaethau o’r radd flaenaf, gan gynnig atebion creadigol, technegol ac arloesol ar gyfer amrywiaeth eang o brosiectau darlledu.

Gyda chyfleusterau wedi’u lleoli ar draws dau safle yng Nghaerdydd, mae ein tîm arbenigol yn helpu i wireddu gweledigaeth greadigol i ddarlledwyr, gwneuthurwyr ffilmiau a chrewyr cynnwys.

Mae ein cyfleusterau wedi’u cynllunio i wasanaethu cynyrchiadau o bob maint, gan gynnig profiad ôl-gynhyrchu llyfn, ymdrochol ac ar y cyd. P’un a ydych yn cynhyrchu ffilm fer, cyfres aml-bennod, neu ddigwyddiad darlledu mawr, ry’n ni’n cynnig atebion wedi’u teilwra i gwrdd â’ch anghenion creadigol, eich amserlen a’ch cyllideb.

Rydym yn cynnig gwasanaeth cynhwysfawr ar gyfer pob agwedd ar ôl-gynhyrchu, o gynllunio i’r rhaglen derfynol, gan sicrhau gwasanaeth effeithlon, o safon, ar bob cam o’r daith.

Mae ein hystafelloedd golygu yn cynnig opsiynau i olygu agAvid Media Composer ac Adobe Premiere, ynghyd ag opsiynau golygu o bell. Mae 25 o ystafelloedd all- lein a 12 Ar-lein ar draws yr ystâd, yn ogystal â Theatr Graddio Baselight, 4 Ystafell Dybio ac 3 Ystafell Dylunio Sain. Mae gennym ni’r dechnoleg i gefnogi’r cynyrchiadau mwyaf cymhleth.