|
Bydd naw ymgeisydd yn cael eu cyfweld dros y dyddiau nesaf, ond ni fydd John Hartson yn un o'r rheiny. Yn 么l mis Ionawr, dywedodd cyn-ymosodwr Cymru fod ganddo ddiddordeb yn olynu Dean Holdsworth yn rheolwr Casnewydd, ac fe dderbyniodd swydd rhan amser i hyfforddi'r chwaraewyr. Ond mae Hartson bellach wedi penderfynu peidio gwneud cais swyddogol am y swydd. "Mae John yn bwriadu parhau gyda'i yrfa yn y cyfryngau ac rydym yn diolch iddo am ei ddiddordeb a'i amser," meddai cyfarwyddwr Casnewydd Matt Southall. Ychwanegodd Southall bod Paolo di Canio hefyd wedi holi yngl欧n 芒'r swydd ond ei fod yntau wedi penderfynu peidio gwneud cais. "Roedd Paolo wedi bwriadu dod i Gasnewydd am gyfweliad yn gynharach yn y mis," meddai Southall. "Ond o ganlyniad i salwch teuluol, nid yw Paolo yn sicr o'i gynlluniau yn y dyfodol agos." Tim Harris sydd wedi bod yn gyfrifol am y t卯m ers i Holdsworth adael ar gychwyn mis Ionawr i gymryd swydd gyda Aldershot. Un g锚m yn unig mae Casnewydd wedi ennill mewn 11 cynnig o dan Harris, rhediad sydd wedi chwalu eu gobeithion o gyrraedd gemau ail-gyfle Uwch Gynghrair Blue Square Bet. Taith i Wrecsam, sy'n bedwerydd yn y tabl, sydd nesaf i'r Alltudion ddydd Sul nesaf.
 |
听