|
Dywedodd y Cymro bod posibilrwydd cryf mai'r Gemau Cymanwlad 2010 yn Delhi fydd y tro olaf iddo gystadlu yn y ras 1500m dull rhydd yn y pwll. "Oni bai fy mod i'n perfformio fel dwi'n gobeithio, dyna fydd y tro olaf i mi gystadlu mewn pencampwriaeth fawr yn y pwll," meddai Davies. "Fedrai ddim gweld fy hun yn cystadlu yn y pwll yn Llundain yn 2012. Mae o'n gwneud synnwyr i mi beidio 芒 chanolbwyntio ar y ras d诺r agored." Roedd siom i Davies ym Mhencampwriaethau'r Byd yn ddiweddar wrth iddo fethu ac ennill medal yn y ras 1500m am y tro cyntaf ers ei ymddangosiad cyntaf yn 2005. Daeth y g诺r o'r Bari i amlygrwydd yn 2004 pan enillodd fedal efydd yn y Gemau Olympaidd yn Athens dros y pellter hynny. Ni lwyddodd ailadrodd y gamp pedair blynedd yn ddiweddarach yn Beijing, ond enillodd y fedal arian yn y wrth gystadlu yn y ras d诺r agored dros 10km. Ac wrth werthuso ei berfformiadau diweddar, mae Davies yn credu bod ganddo fwy o obaith llwyddo yn yr awyr agored yn hytrach nac o dan do'r pwll. "Mae gen i gyfle gwych yn Llundain yn 2012," meddai Davies, sy'n 24 mlwydd oed. "Mi faswn i wrth fy modd yn cystadlu yn y ddwy gamp ac ennill medal aur, ond y perfformiad sydd bwysicaf a cheisio sicrhau'r canlyniad gorau posib. "Roeddwn yn drydydd yn Athens, yn ail yn Beijing a dwi eisiau bod yn gyntaf yn Llundain."
 |
听