Transcript of clip:
听
RAYMOND: Well, there A was, standing in the
dark an the cauld, an A think the whitricks was in the hedge
or something like that, A kinda feart anyway. Sez I, A'll dander
down the road here a wee bit, down the loanin a wee bit, mebbe
meet her.
A went doon the loanin, boy A cudnae see her,
before A knowed it A wes at the corner o the hoose, an there
was this auld preta hoose was kin eh, sort o a row o buildings,
ye know.
A fun out later the preta hoose wes the first,
then the dwellin hoose, and the stable an the byre, an a wee
calf hoose, but A left me bike in at this preta hoose anyway,
an A slipped across the cassie as quet as A cud be, an ye know
when yer used in the country, boy, even though it's dark, it's
surprising hoo weel ye can see at nicht.
What happened, oh boy, A seen this tilly lamp
in the byre, an A thought, 'My God, mebbe there's in there,
mebbe a coo calving or someway', but A slipped oan a roon a
wee bit, an be God, boy, A mustae stepped oan a stane or a twig
or something, but the dug came oot o the byre barkin at me,
an A run an hid behin the hen hoose.
An oot she came, boy, with a graip in her haun.
Sez she, 'Who's there? Who's there?' An A shouted ower, 'At's
just me, just me'. 'Oh' she sez, 'come oan in', she sez, 'there's
naebody here. Me da an me ma's away tae a wake an me brother's
away tae Larne, an A'm left tae dae the reddin up'.
