|
Mae 45 erw o dir gyda'r t欧, gyda llwybrau sy'n agored i gadeiriau olwyn, a golygfeydd dros y Fenai a draw at Eryri.
Y Gwanwyn ydy'r amser gorau i weld y carped o eirlysiau a daffodiliau tra bod y clychau'r gog yn wledd i'r llygad yn yr haf.
Un o rannau mwyaf nodedig y gerddi ydy'r ardd o oes Fictoria sydd wedi ei chau gan wal. Mae ei lleoliad cysgodol yn golygu bod modd tyfu nifer o blanhigion trofannol yno, gan gynnwys palmwydd, coeden gwallt y forwyn, dringwyr Jasminium a gwsberins Tseina.
Amser agor: Yr ardd Fictoraidd a'r caffi, o 1 Medi i 29 Hydref 2006, 11am i 5pm, bob dydd, heblaw dydd Mawrth; mae'r castell ar agor ar yr un dyddiadau ond rhwng 12pm a 5pm. Mae'r siop a'r amgueddfa ar agor rhwng 25 Mawrth tan Hydref 29, 11am - 5pm.
Mynediad: Mae'r rhan fwyaf o'r llwybrau o amgylch y gerddi yn rhai gro a'r gweddill yn welltglas. Mae lle parcio i'r anabl neu, os yw'n well ganddoch, gallwch gael eich gollwng wrth y fynedfa a'ch casglu oddi yno. Mae toiledau i'r anabl ar gael a gallwch ffonio o flaen llaw i archebu'r bygi golff i gael eich gyrru o amgylch y gerddi. Mae taflenni arwain ar gael mewn print bras ac mewn Braille ac mae arweiniad sain ar gael hefyd.
Lleoliad: Castell Penrhyn, Bangor, Gwynedd, LL57 4HN.
 |
