|
Yna, nid oes angen edrych ymhellach na'r llyfryn Be' Sy' 'Mlaen ym M么n 2004 sydd wedi ei gynhyrchu gan Uned Datblygu Economaidd Cyngor Sir Ynys M么n. Mae'r llyfryn yn rhestru gwybodaeth fanwl ar amrywiaeth eang o weithgareddau sydd yn cael eu cynnal ym M么n rhwng Ebrill a Rhagfyr. Eisteddfodau lleol, hwyl ac adloniant i'r teulu yn ystod cyfnodau gwyliau, cystadlaethau hwylio, gwyliau bwyd a gwyliau cerddorol - dyma megis blas o'r hyn a restrir yn y llyfryn. Gwahoddwyd grwpiau cymunedol a gwirfoddol, ynghyd ac unigolion ar draws M么n i gyfrannu ym mis Ionawr drwy basio manylion digwyddiadau ymlaen - pa bynnag faint yr achlysur. Bydd y llyfryn yn awr yn cael ei ddosbarthu trwy rwydwaith o sefydliadau a grwpiau ym M么n, Gogledd Cymru a thu hwnt. Mae Arweinydd y Cyngor a'r deilydd portffolio Datblygu Economaidd, y Cynghorydd Bob Parry OBE, yn meddwl bod y llyfryn yn arf pwysig o ran marchnata digwyddiadau ar yr Ynys. Dywedodd, "Mae'r llyfryn yn cynnwys yr holl wybodaeth y byddai unrhyw un ei angen, ac rwy'n siwr y bydd trigolion yr ynys, ynghyd ag ymwelwyr yn ei gael o fantais mawr." "Elfen arall o'r cyhoeddiad sydd wedi fy mhlesio'n fawr yw gweld yn union faint o bethau sydd yn mynd ymlaen ar Ynys M么n. Mae'r llyfryn yn dystiolaeth o waith caled cynifer o bobol a grwpiau ar hyd yr ynys sydd yn gweithio mor galed pob blwyddyn er mwyn sicrhau mwynhad eraill." Roedd Pennaeth yr Uned Datblygu Economaidd, Huw Griffiths, yn werthfawrogol iawn o bawb a gyfrannodd wybodaeth. Dywedodd, "Mae digwyddiadau o bob math yn gwneud cyfraniad pwysig i nifer o agweddau o fywyd ar F么n pob blwyddyn, ac unwaith eto mae eu hymateb a'u gwaith caled wedi ein helpu i gynhyrchu llyfryn llawn gwybodaeth eleni." Prifysgol Cymru, Bangor
 |
