|
Ers 1995 mae Cyngor Cefn Gwlad Cymru wedi bod yn cynnal safle monitro amgylcheddol fel rhan o Rwydwaith Newid Amgylcheddol y Deyrnas Unedig. Nod y rhwydwaith yw monitro'r amgylchedd yn y tymor hir drwy edrych ar hinsawdd ac ecoleg ledled y DU. Mae safle'r Wyddfa wedi bod yn weithredol ers wyth mlynedd bellach ac wedi'i sefydlu'n gadarn fel un o bum safle uwchdir yn y DU, ar unig safle ar y ddaear yng Nghymru. Cyflwynwyd gwe dudalennau yn cynnwys rhagor o wybodaeth am y prosiect yn awr, a chyswllt electronig i'r orsaf dywydd. Mae'r safle wedi'i leoli tua 500 metr uwchben lefel y m么r ar Diffwys, un o'r copaon pedol o dan gopa'r Wyddfa. Trosglwyddir data o'r safle bob awr, gan gofnodi gwybodaeth am y tymheredd, glawiad a chyfeiriad a chyflymder y gwynt. Mae'r orsaf dywydd yn casglu data gwerthfawr sy'n cyfrannu i'n dealltwriaeth o newidiadau amgylcheddol, ar y cyd a'r arolygon o blanhigion ac anifeiliad. Ewch i'r wefan a dilynwch y cyswllt ar gyfer Gwyddor Daear. Dywedodd Clive Walmsley, Ymgynghorydd Newid Amgylcheddol CCGC: "Nod y Rhwydwaith Newid Amgylcheddol yw canfod newidiadau amgylcheddol tymor hir, megis effeithiau newid yn yr hinsawdd a llygredd. Gwir gryfder y rhwydwaith yw amrediad y cofnodion a gesglir, o dymheredd a glawiad i newidiadau yn y llystyfiant a nifer y gloynnod byw. Yna gellir defnyddio'r data i edrych ar berthnasoedd, megis rhwng yr hinsawdd a byd pethau byw. Gyda data wedii gasglu dros 8 mlynedd hyd yma, mae safle Rhwydwaith Newid Amgylcheddol Yr Wyddfa yn datblygu i fod yn ffynhonnell ddata amgylcheddol tymor hir mwyaf gwerthfawr Cymru. Dywedodd Matt Murphy, Rheolwr Safle Rhwydwaith Newid Amgylcheddol Yr Wyddfa: "Bydd y tudalennau newydd ar y we yn rhoi syniad o'r tywydd i bobl cyn iddynt gychwyn o'u cartrefi. Gallai fod yn arweiniad defnyddiol os caiff ei ddefnyddio ar y cyd 芒 rhagolygon tywydd lleol. Serch hynny, rhaid pwysleisio y gall yr amodau tywydd ar Yr Wyddfa newid yn sydyn ac yn ddirybudd." Cyngor Cefn Gwlad Cymru
 |
听
