|
Bydd yr arddangosfa yn cynnwys gwaith gan artistiaid blaenllaw megis Syr Kyffin Williams, Will Roberts a John Baum, a bydd yn agor ar y 18ed o Fai. Bydd arddangosfa Pobl Cymru yn rhoi cyfle i'r cyhoedd gael gweld gwaith o'r casgliad cenedlaethol pwysig yma ac mi fydd hefyd yn rhoi arolwg o rai o'r cymeriadau yng Nghymru dros y deugain mlynedd diwethaf drwy lygad yr artist. Cynhyrchwyd yr arddangosfa gan Gyd-wasanaeth Addysg Amgueddfeydd, gyda chyllid o Gronfa Dreftadaeth y Loteri, ac mae'n seiliedig ar ofynion y Cwricwlwm Cenedlaethol Cymreig. Bydd gweithiau penodol yn cael eu dewis i deithio gofodau arddangos drwy ogledd-ddwyrain Cymru hyd at Awst 2005 er mwyn sicrhau mynediad at y gwaith i ysgolion a'r cyhoedd. Bydd gweithdai yn cael eu cynnal ym mhob gofod gan artistiaid profiadol lleol. Wrth ochr y gweithiau bydd gwybodaeth am yr artistiaid gan roi goleuni pellach ar eu technegau a'u dylanwadau. Fel y dywedodd Syr Kyffin Williams: "I have been extraordinarily lucky to have been born and reared in such a lovely landscape among people with whom I have so great an affinity." Mae gweithiau megis The Gardener gan Will Roberts, sydd yn dangos dyn yn gweithio'n galed yn ei ardd, a Tunnellers gan Roy Ostle, lle gwelir dau weithiwr mewn twnnel du, yn ysgogi teimladau o empathi ac agosatrwydd at y testun. Bydd yr arddangosfa yn Elusendai Llanrwst o 18ed o Fai 28ain o Fehefin.
Oriau agor: 10.00 16.30
 |
