|
Dechreuodd yr ymgyrch i ddenu mwy o adar, ieir bach yr haf, draenogod, a chreaduriaid eraill i erddi Eryri ym mis Awst 2002, a'i fwriad yw rhoi gwybodaeth i'r cyhoedd am ffyrdd a fydd yn eu galluogi i helpu gwarchod a datblygu bioamrywiaeth Eryri yn eu gerddi. Fel rhan o'r ymgyrch, mae Partneriaeth Garddio Bywyd Gwyllt Eryri yn cynnal cystadleuaeth, a fydd yn gwahodd unigolion, cymunedau, ysgolion a busnesau i gystadlu am wobr o 拢200 ym mhob categori a gwobr ychwanegol o 拢200 am yr 'Ardd Bywyd Gwyllt Orau yn Eryri'. Dywedodd Anna Williams, y swyddog project a benodwyd yn ddiweddar: "Mae'n bleser gweld pobl yn gwneud ymdrech i ddenu bywyd gwyllt i'w gerddi, a rhai dulliau syml o wneud hynny yw trwy dyfu planhigion llawn neithdar ar gyfer gl枚ynnod byw, llwyni llawn mwyar ar gyfer adar, gwneud eich compost eich hun, gosod blychau adar a blychau ystlumod a defnyddio llai o blaladdwyr yn eich gardd. Gweithiwch law yn llaw 芒 natur, gwyliwch natur, ymlaciwch a gobeithio y llwyddwch i fwynhau nifer fawr o ymwelwyr i'ch lloches dawel". Dyddiad cau y gystadleuaeth eleni yw 18 Mehefin ac fe gynhelir y seremoni wobrwyo ar 14 Gorffennaf ym Mhortmeirion. Y beirniaid fydd Nigel Brown, Gerddi Treborth (Prifysgol Cymru), Anna Williams (Partneriaeth Garddio Bywyd Gwyllt Eryri), Rod Gritten a Kate Williamson (Awdurdod Parc Cenedlaethol Eryri), Aisling Carrick, (Cyngor Gwynedd) a Becky Groves, (Cyngor Bwrdeistref Sirol Conwy). Am ragor o fanylion am y gystadleuaeth, cysylltwch ag Anna Williams ar 01766-770274 neu Anna.Williams@eryri-npa.gov.uk. Parc Cenedlaethol Eryri
 |
