|
"Fe gychwynnodd y grwp darllen er mwyn ceisio ein hannog i ail-ddechrau darllen nofelau Cymraeg. Mamau a chanddom blant ifanc yw'r mwyafrif ohonom, yn ceisio jyglo magu plant a gyrfa - yn ogystal ag amrywiol ymrwymiadau cymunedol.
Rydym yn griw sydd wedi bod yn ddarllenwyr cyson yn ein bywydau
'blaenorol'(!) ond roeddem angen y cic i fynd ati i gyrraedd at lyfr i gael y pleser o fwynhau stori dda unwaith eto.
Felly yn ystod ymweliadau cyson 芒'r llyfrgell efo'r plant byddwn yn codi'r angen am y math yma o grwp efo'r staff. A chwarae teg i staff Llyfrgell Dinbych roedden nhw'n barod i wrando ac fe aethant ati i sefydlu'r grwp ddiwedd 2005.
Bob yn ail fis, byddwn yn cyfarfod i fwynhau 'Sgwrs, stori a Sangria' - yn llythrennol! Mae'n gr锚t cael cyfle i gymdeithasu, mae'r glasied o Sangria yn chydig o 'treat' ond y darn pwysicaf yw'r cyfle i drafod nofelau Cymraeg cyfoes.
Byddwn yn cytuno ar ddwy nofel i'w darllen erbyn y cyfarfod nesaf - felly mae pawb yn darllen yr un nofelau. Yna byddwn yn sgwrsio'n anffurfiol amdanynt mewn awyrgylch cartrefol gan rannu'n hargraffiadau. Mae'n rhyfedd weithiau gweld safbwyntiau mor wahanol am yr un nofel. Y peth gorau oll i mi yw ei fod wedi rhoi hwb i ail-afael mewn nofelau Cymraeg a sylweddoli cymaint o bleser sydd i'w gael o ymgolli mewn nofel dda."
Beth mae gweddill o aelodau'r gr诺p yn mwynhau?:
Ffion: "Y ffaith ein bod yn cyfarfod yn gyson a chanolbwyntio ar dau neu dri o lyfrau."
Helen: "Ysgogiad i ddarllen mwy o lyfrau Cymraeg."
Iona: "Y gwmniaeth, cael syniadau am lyfrau i'w darllen."
Ruth: "Cwmni difyr. Cael ail gydiad ar ddarllen yn y Gymraeg."
Meryl: "Cyfle i gyfarfod a sgwrsio'n anffurfiol am lyfrau Cymraeg - a hynny dros lasied o win. Mae'n wych clywed barn eraill a gweld fel mae pawb yn ymateb mor wahanol, weithiau, i'r un llyfr."
 |
听
