|
Yn fachgen o dde ddwyrain Cymru, roedd yn falch o gael y cyfle i ddod i'r 诺yl i'w chefnogi, ac ar yr un pryd cael lansio ei gwmni dwyieithog newydd. Mae Leigh, sy'n 30 oed wedi cychwyn busnes gwelliannau'r t欧 'Dream Style', yn cydosod dodrefn a chynnyrch wedi eu pacio'n fflat, teilio, ffensio a chynhaliaeth cyffredinol. Gallodd gychwyn ei fusnes yn ddwyieithog diolch i help prosiect Potentia Menter a Busnes. Nod y prosiect yw annog siaradwyr Cymraeg i feddwl am ddechrau busnes a rhoi help cynnar ac ymarferol iddyn nhw i wneud hynny. A dyna'n union gafodd Leigh Mason, meddai. "Mi wnes i lansio'r cwmni gyda help Potentia Menter a Busnes," meddai ar faes yr Eisteddfod. "Mae Menter a Busnes wedi fy helpu gyda'r graphic design a help efo gwybodaeth am redeg busnes, fel gyda tax a phethau fel 'na. Bydden i ddim wedi gallu lansio'r cwmni yma yn ddwyieithog heblaw am yr help ges i gan Potentia," meddai. "Dyma'r tro cyntaf i fi ddod i'r Eisteddfod, mae'n fawr iawn yma a dw i ddim wedi cael cyfle i edrych o gwmpas eto, ond mi fydda i'n mynd pan fydd amser gen i." "Dw i'n meddwl bod e'n beth da iawn bod cymaint o bobl lleol yn dod yma i gefnogi ac i weld beth yw'r Eisteddfod." Awst 2004
 |
听
